البامية المصرى باللحمة الضانى
المكونات:
كيلو باميه صغيره-ربع كيلو طماطم حمرا مضروبه في الخلاط-قطعتين ليه
صغيرين-كيلو لحمه ضانى-معلقتين صلصه-2معلقه سمنه او زبده كبيرة-بصل مقطع
قطع صغيرة-4فصوص ثوم-كزبرة ناشفه-ملح-فلفل-بهارات-3فلفل اخضر
حرااااااااااااق مقطع قطع صغيرة
الطريقه:
-نضع معلقه السمن او الزبده في القدر ونضع عليها قطعتين الليه لحد لما ينزلوا الدهن الى فيهم كله ويحمروا شويه
-نضع البصل ونقلب لحد لما يبقى لونه اصفر ونضع عليه الطماطم اول ماتتركز
الطماطم وديه بنعرفها لما نلاقي السمن طلعت لفوق نضع الصلصه ونقلب
-نضع اللحم الضانى ونقلب شويه لحد لما لونها يتغير
-نضع كوبين مايه ونسيب اللحمه تستوى نصف سوى على النار
-عند استواء اللحمه نصف سوى نضع الباميه ونغطيها ونسيبها لحد لما تدخل في السوى هى واللحمه
-نجيب طاسه نحط فيها معلقه السمنه ونحط الثوم المفروم ومعلقتين شاي كزبرة ناشفه ونقلب لحد لما لونها يتغير شويه
-نشيل غطا قدر الباميه ونضع الكزبرة والثوم عليهم والفلفل الحار المقطع مع التقليب البسيط ونقفل القدر ونسيبه بقى يستوى
-في الاخر بعد السوى نضع الملح والفلف والبهارات
ليست هناك تعليقات:
إرسال تعليق